My Own Ghazals & Songs

---

My Ghazals And Songs Are Coming Soon 1. Ghazal Dil Ka Khoon Arman sub dil ke mere ansouon mein beh gaye Sub chor gaye humein ab hum tanha reh gaye Ik khata-e-Ishq hi to oyi thi hum se aye dil Jo jatey jatey apney bhi begana keh gaye kitney hi zakhm khaye hein is rahe-Muhabat mein Jo bataye farishton ko to wo bhi gintey reh gaye Deta raha hai jo ye zamana humein umr bher Shouq se us ke hum wo sarey situm hum seh gaye Mangi thi thori si wafa jin se waseem tum ne Wohi log tumhein humesha thukratey reh gaye Unjaam-e-Ishq mein hum ab aansoo bahaein keisey Meri ankhon mein to ab ashq bhi kum reh gaye Jeeney ki tumunna na rahi ab humein waseem Ab to lahoo ke qatrey bhi badan mein kum reh gaye Khushi eik pul bhi meri taqdeer mein nahein hai meri Zindagi mein to bus ghum hi ghum reh gaye 2. Ghazal Tunhai -e- Waseem Zindagi mein tu ne meri kiya kiuon undhera hai Laakh mein ne dhonda hai yahan koun mera hai Dasht-e-Tunhai hai aur meri aankhein bher aayi hein Zara ghor se to dekh in mein khoaab tera hai Chahta houn kitna tujh ko dil ki mein gehrayion se Mere dil pe to subho sham ikhtiyar tera hai Tunha rehata houn chup chap sa rehta houn Dil mera her pul teri yadon mein khoya hai Dil mera zakhmi hai jigar bhi ghayal hai Laho se jo likha hai naam wo tera hai Kiye hein jo tum ne situm meri is jaan per Tujh se phir bhi mujh ko gila hai na shikwa hai Pyar kerne ka mujhey tum se ye sila mila hai Bari bedardi se sub ne mere dil ko tora hai Ja raha houn mein teri is duniya se Sada rahey khush tu lub pe yehi duaa hai 3. Ghazal Zakhm -e- Waseem Socha tha ke tum ab sanam bun gaye Mgr tum to merey hi dushmun bun gaye Ankhon mein tumhein hi basaya tha Tum hi ashqoon ka subab bun gaye Jo kehtey they kabhi ke pyar hota hai zindagi Aaj wohi is pyar ke dushmun bun gaye Pyar mein waseem aaya tha wo bhi waqt Jub apna kehney waley hi unjaan bun gaye Apnoo ne moun mora gheron ne thukraya Tum bhi to mere dil per ik zakhm bun gaye 4. Kaweeta Deewangi -e- Waseem Mana ke pagal houn deewana houn mein Mgr tum bhi to dertey ho izhaar se Kioun churaatey ho mujh se nazar uoon Cheen lena chahta ho jesey koi zindagi yaar se Her lumha tarasta houn mein to teri deed ko Kya karon piaas nahein bujhti ik baar ke deedar se Banaya hai jis teer ka tu ney nishana mujhey Ghayal ho gaya houn tere eik hi waar se Tor de jeisay khuda kisi ka dil Derta houn wesay hi mein tere inkaar se Badul de merey is khoaab ko haqqeqat mein tu Le kabhi mera naam tu bhi dil-e-beqarar se Zakhm is dil-nadan ne khaaye hein jitney Bohut bekhabar hai tu abhi un ke shumaar se Churaya hai dil ka peecha jis tarah sukoon se mein ne Tor kabhi tu bhi naata apney dil ke qaraar se Duniya deewaar bunti hai humesha pyar mein mgr Tera saath ho jo to tukra jaye waseem is deewaar se 5. Song Bewafa Sanam ( Farzana ) Tum to mere they sanam kiya se kiya ho gaye Kha ker wafa ki qasam ab kiuon bewafa ho gaye Mein ye samjha tha tum ho meri zindagi Tum ho mere khuda tum ho meri bundagi Tum to mere hi liye ik saza ho gaye Tum ho sangdil bohut bohut ho berahem Saath chorein gey na kabhi mil ke khayi thi qasam Aaj ho gaye unjaan aur mujh hi se juda ho gaye Terey peechey dekho mein ne subkuch chor diya Tu ne mgr pyar bhara dil mera hi Kiuon tor diya Dil mein they arman bohut mgr ab sub tabah ho gaye Thi kabhi nafrat mujhey bhi nashey se aaye mere saqi Aaj pila mujh ko meh itni ke zindagi na rahey baqi Zindagi hai ab humari sharab hum to is ka nasha ho gaye Raat katti hai meri her pul taarey ginnuney mein Din hota hai basar ab sara bus ashq bahaney mein Meri neend mera chain sub mujhi se khafa ho gaye Tum muskuraate ho mujhey zakhm de ker Hunstey ho her pul ker ke situm mujh per Kha ker tujh bewafa sanam se zakhm mein Phir bhi kerta houn dil apna nichawer tujh per Shouq-e-junon mein wohi zakhm tere hi liye dua ho gaye 6. Song Husan Waley Mut ker naaz husan per aye gul-e-nadan tu Hifazut to humesha teri kaantey hi kiya kerte hein Duniyan mein uoon to hein haseen bohut mgr Haseen hein wo jo dosron ke liye jiya kerte hein Apney pyar pe nisar-e-jaan ka jub se kiya hai feisla Tub se hum her pul apni mout ka intizar kiya kerte hein Nahein hai humein kuch pata ke wo kaafir hai ya musulmaan Ba khaber hein to bus itney ke hum us ki ibadat kiya kerte hein Sub zamaney ko uoon hi budnaam ker diya kerte hein Mein jaanta houn ke mehboob hi aashiqon ko berbad kiya kerte hein Dil khol ker tumhein haal-e-dil sunata waseem mgr Kuch lumhey taqeer ke insaan ko khamosh ker diya kerte hein 7. Kaweeta Teri Yaad Phir Kioun Aaye Jub hawa ka koi jhonka sard qareeb se merey guzar jaye Jub titli koi gul per bethey aur phir shurma ke wo ur jaye Dil mera phir kiuon bher aaye mujhey teri yaad phir kiuon aaye Jub raat ko chaand ki deed ho tera aankhon mei chehra utr aaye Subha dekhon khilti kali ko jub mein phir jub joban pe apne wo aaye Dil mera phir kiuon bher aaye mujhey teri yaad phir kiuon aaye Jub kahein paani mein aag lug jaaye ankh kabhi jub meri jhapak jaye Jub koeal koi paer pe gaana gaye sun ker us ka geet mujhey teri aahut tub aaye Dil mera phir kiuon bher aaye mujhey teri yaad phir kiuon aaye 8. Song Teri Muhabat Kaash Mujhey Mujhey teri muhabat kahein jo mil gayi hoti Ghum-e-zindagi phir meri khushi mein badul gayi hoti Na koi bhi bewafa sanam mujhey phir ghum hota Jo hoti sung tu to na duniyan mein phir koi kami hoti Khizaaon ki bhi phir mujh per na nazar kabhi rehti Baharon ko bhi phir mere aashiaaney ki khabar hoti Jawani jo hai meri tere pyar mein guzri sungdil Jo hota qabool tujh ko mein to ye na kabhi tabah hoti Kiya howa haasil tujhey mere dil ka khoon ker ke Dherukta ye bhi chain se ger tujhey pyr ki zara qadr hoti Sun le aaye mere khuda ke na banaya hota haseeno ko ger tu ney to aaj her shukhs ko tere hi der ki khabar hoti 9. Song Ye Sunsaar Aur Mein Faqeer Dard kisi ka kisi se baanta nahein jaata Khuda ye keisa tu ney banaya sunsaar hai Nafrat rukhta hai her dil doojey ke liye Paya yahan na kabhi mein ne kahein pyar hai Dolut ki hawis hai her dil ke under yahan Hairaan houn churha in ko ye keisa khumaar hai Haqeeqat to haqeeqat hai chahye laakh chupa lo Ghareeb hai yahan be izat aur ameer izut dar hai Jisey di tu ney khushiyon ki dolut wo tehra yahan khush qismat Mujh jesey faqeeron ka to yahan jeena hi beqaar hai Banaya tha ye jahan tu ney apni aashnayi ke liye khuda Phir waseem mujhey yahan kiuon nazar aata bezaar hai 10. Kaweeta Bewafa Haseenayein Chupa ker apney chehrey ko naqaab mein Wo jub ankhein be purda rakhti hein Hum samjhtey hein wo perdey mein hein Mgr wo to ankhon se sub kaam leti hein Ankhein hum se jub chaar ker leti hein Beqasoor dil ko qasoorwar ker deti hein Hum jisey pyar samjh letey hein yaaro Wo to isey khel ka naam batati hein Haseen chehra putherdil ye un ki jawani hai Deti hein kis tarah dhoka ik lumbi kahani hai Ye jaan lo pyar mein nisaar-e-jaan kerne walo Merney per wo kisi ke ik ansoo tuk na bahati hein Dil dena dil lena shaewa hai un ka Dil laga ker dil torna pesha hai un ka Dekh ker apney aashiq ke janazey ko Wo to dil ko apney bohut aaraam deti hein 11. Song Pyar Ka Rog Munzil-e-Ishq baeed thi hum se mgr Phir bhi isey upnaya hum ne Husrat-e-wafa le ker dil mein hum Chul diye kaanton ke sehra mein Dhoop hi dhoop rahi ser per Paya na kahein wahan saaya hum ne Achanuk mera armanon ka mehal jul gaya Qareeb munzil ke aaye to yaar budal gaya Khuda ka bhi phir toot tarazo-e-Udal gaya Haaye ye kiya sila tujh se paya hum ne Dil phir mera khoon ke ansoo roney laga Sharabon mein gaya doob hosh phir ye khoney laga Bewafa hai wo mujh se pul pul kehney laga Rukey na ruka bohut isey samjhaya hum ne Bhool gaya waadey sub tor di wafa ki qasam Ada hota tha her saans ke saath jis ka ism ( naam ) Wo to kehta tha ke rakhon ga umr bher tere pyar ka bharam Akhir us hi bewafa se dhoka khaya hum ne Na nmeend aati hai ab humein kisi lumhey Na chain se ab hum so paatey hein Kerte rehte hein khud se ye sawaal her pul Kiuon rog pyar ka dil ko lagaya hum ne 12. Song Dhoka Detey Hein Ye Sub Log Duniyan mein kisi se tum kabhi na pyar kerna Aur na hi kisi se kabhi tum iqrar kerna Tumhare apney tumhare nahein hein aaj Kisi gher per bhi tum kabhi na aitabar kerna Us ko nahein hai kisi ka intizar to Kisi ka ab tum bhi na intizar kerna Dolut hi to ker deti hai juda subko Dolut se khud ko kabhi na maldar kerna Jis tarah mujhey dhoka us ne diya hai Dukhon se weisey kisi ko tum na dochar kerna Is rah-e-muhabat mein bohut thokerein khayi mein ne Kahein is rastey ko tum bhi na ikhtiyar kerna Tunha hai waseem Tunha hai Tunha hi sahi Tum bhi aye dost tunha hi ye pul paar kerna 13. Song Aarzoo Hai Ye Eik Kiya hai pyar diya hai dil tujh ko To de don ga ab mein jaan bhi Banaya hai tukh ko apna khuda mein ne To de don ga ab emaan bhi Aarzoo ho jo mujhey aazmaaney ki tujhey To de don ga her imtihaan bhi Haath rahey tera jo sada mere haath mein To ker na paaye ga kuch koi tofaan bhi Mil jayein gey to duniya hi jaanut ho gi Her pul rahey gi chehron per muskaan bhi Jo apna liya tujhey to phir mujhey teri qasam Sub karon ga poorey terey armaan bhi 14. Ghazal Teri Tasveer Aur Meri Husrat Her lumha teri tasveer ko mein ashkon se yaar bhigota houn Aati hai jub yaad teri mujhey to mein khoon ke aansoo rota houn Kiya haal-e-dil bataon aur kiya daastan-e-ghum sunaaon tumhein Raaton ki neenden khoi hein ab chain sakoon bhi khota houn Ik gulaab ko dil mein basaney ki khuahish jo mein ne ker li thi Ghum-e-ishq mein budle us ke kaanton ko dil mein chabhota houn Tere pyar mein jo mere sanam dil per kayi daagh lug gaye hein Baha ker her pul aansoo apney un daghon ko mein ab dhota houn Ker gayi tabah jinhein khizayein aa ker un ujrey howey baghon mein Husrat-e-wafa liye aaj bhi mein pyar ke beej bota houn Song Ansoon Ki Barish Mujhey dhoka mila yaar aisa mila Mujhe dukh hi diya yaar keisa mila Mujhko zakhm diya tunney ye kya kiya Kiya zulm mujh per mera qatul ker diya Mein ne ki jo wafa tuney o bewafa Wadey bhool gaya tu sab ko tor diya Budley wafa ke tuney ki ye kioun jafa Chora mujh ko tuney kisi aur ka howa Mein ne piar tha kiya mili us ki saza Ja re ja bewafa nahein tu koi khuda Mujhey zakhmi ker ke tujhey dard na howa Tera naam seeney per jo mein tha likha Rota houn soch ker kiuon ki thi ye khata Be reham hai tu sang dil hai bara Koi piar na karey yehi hai meri saza Kisi ko rog na lagey jo mujh ko laga Jisey rog ye laga jeetey jee mer gaya Aa ke dekho to meri halut ko zara Roka ansooon ko bara per rok na saka